طريقه عمل محشي ورق العنب جمده طحن

انا جيبلكم النهارده طريقه عمل محشي ورق عنب

اصل انا بموووووووووووت فيه

بس الطريقه دي بتاعتي انا يعني طريقه مصريه

يارب تعجبكم

[size=24]

اولا:المقادير.

نصف كيلو ورق عنب

3 بصلات متوسطين الحجم مفروم
1حزمه بقدونس و كزبره وشبت وغسول جيدا ومفروم ناعم
نصف كيلو طماطم معصوره و2 ملعقه صلصه طماطم.
نصف كيلو ارز مصري مغسول
زيت وسمن بلدي.
ملح و فلفل و بهارات وشطه.
1 ليمونه.

ثانيا:طريقه العمل.
تحضير الحشو
نضع البصل والسمن والزيت في إناء ويحمر حتي الاصفرار ثم نضع عليه عصير الطماطم وصلصه الطماطم

والكزبره والبقدونس والشبت المفروم مع الملح والفلفل الاسود والبهارات والشطه ونترك الخليط علي النار حتي
يتسبك.
ثم نضيف الي الخليط الارز ويقلب جيدا
تحضير ورق العنب.
أزيلي عروق ورق العنب الزائدة من أسفله ثم اغسليه جيداً .
- ضعي كمية من الماء في قدر على النار حتى تغلي ، ثم ضعي الورق على دفعات في الماء المغلي مدة بسيطة ثم ارفعيه حالاً كي لا يهترئ وضعيه في الماء البارد .

طريقه الحشو

- مدي الورقة على طبق نظيف على أن يكون السطح الأملس للورقة مواجهاً للطبق والعروق مواجهة لك .
- ضعي عليها بالعرض ملعقة شاي من الحشوة .
- اطوي الجوانب ولفيها بإحكام، كرري العملية مع الأوراق الباقية .

ثم نحضر إناء للطهي ويوضع فيه شرائح من الفلفل الاخضر والطماطم ويرس فوقه لفائف
ورق العنب المحشي
ثم اضيفي اليه قدر كافي من المرقه المغليه لكي يغطي ورق العنب
ويرفع علي النار حتي يغلي ويتشرب ثم يوضع عليه عصير الليمون يوضع علي نار هادئه

حتي ينضج.

يارب الوصفه دي تعجبكم اتمني ان تجربوها

وانا جاهزه لاي سؤال متكسفوش مني

انا مستنيه ردكم

الله الله الله لا وغير كده طعمه من ايدك ملوش حل بجد تحفه

مشكووووووووور نسرين على الاكله الحلوه دى

تسلم اديكي الكله دي بموت فيها

اعمل وعلى ضمانتك

لو حد اكلمك حبعته يتصرف معاكى

اتفقنا

لالالالالالالالالالالالا
انا جربتها طلعت لزيزه بس بتاخد وقت شويه مش كتير

مرسى ليكى ياقمر.واكيد هتبقى ان شاء الله حلوه علشان محشى ورق عنب.........

بجد فتحتي نفسي انا بعشق الاكله دي بجد

بس مبعرفش اعملها

لا انا بعرفها اصل عملتها كام مره
تسلمي