ازيكوا يا أحلى بنوتات عاملين ايه
طبعا الموضوع باين من عنوانه
ايه رايكوا في فارس الاحلام لسه بنتخيله على حصان ولا على عربيه اخر موديل
عموما كل زمن وليه طريقة المواصلات بتاعته
خلينا في المهم بقى
ايه هي مواصفات فتى احلامك ؟؟ او فارس احلامك عشان احنا البنات بنحب فتى احلانا يبقى فارس من فرسان الزمان اللي جاي بعربيه هامر يخطف العيون والقلوب
ولا بلاش الهامر عشان هي عربيه حروب خلينا في البورش اشيك برضو
انا هبدا
بما اني لقيت فارس احلامي ولكن ليس على حصان ولا على سياره لقيته ماشي في حاله
ومن نظره خطفني وخلاني احلم وانا صاحيه
وبما انه حصل
فهو مواصفاته كالتالي
طيب
حنون
غيور
مسؤول
بيحبني اوي اكتر من اي حاجه ودي اهم حاجه
عاقل ومجنون في نفس الوقت ازاي معرفش
واهم حاجه انه متفاهم وبيقدر كل حاجه وبيعمل حساب لكل حاجه
كفايه كده احسن بصله المحب خروف
بس بجد بجد الحمدلله اني لقيته زي اللي كنت رسماه في خيالي طبعا هو مش نفس المواصفات الجسديه بس فيه من اللي حلمت بيه بنسبه 70 % من المواصفات الشكليه لكن المواصفات المعنويه فالحمدلله مش هلاقي زي كده خالص
يلا انتوا بقى يا بنوتات يلا اتكلموا وقولوا كل اللي في نفسكوا